An Bille um Ligean Gearrthéarmach agus um Thurasóireacht 2025
Tá an Roinn Fiontar, Turasóireachta agus Fostaíochta ag cur an Bhille seo chun cinn chun Éire a ailíniú le Rialachán an Aontais Eorpaigh maidir le Léasaithe Gearrthéarmacha.
Faisnéis maidir leis an gclár um ligean gearrthéarmach (STL)
Tá an Roinn Fiontar, Turasóireachta agus Fostaíochta ag cur an Bhille um Ligean Gearrthéarmach agus um Thurasóireacht 2025 chun cinn faoi láthair, a ailíneoidh le Rialachán an Aontais Eorpaigh maidir le Léasaithe Gearrthéarmacha (STR). Tabharfaidh Fáilte Ireland an Clár nua um Ligean Gearrthéarmach isteach nuair a bheidh an reachtaíocht riachtanach rite.
Níl an clárúchán ar oscailt fós
Osclófar clárúchán don chlár um ligean gearrthéarmach nuair a bheidh an reachtaíocht riachtanach rite. Foilseoidh Fáilte Ireland nuashonruithe ar an leathanach seo nuair a bheidh clárúchán ar fáil. Is féidir leat cuairt a thabhairt ar an leathanach Ceisteanna Coitianta chun tuilleadh treorach a fháil chomh maith.
Ligean gearrthéarmach: tuiscint a fháil ar an téarmaíocht
- Cé a chaithfidh clárú?Ní mór d’óstaigh a chuireann lóistín ar fáil ar tháille ar feadh tréimhse suas le 21 oíche, agus 21 oíche san áireamh, gach aonad a ligeann siad ar cíos a chlárú.
- Cad is úinéir réadmhaoine ann?Is éard is úinéir réadmhaoine ann duine nó cuideachta a sholáthraíonn, nó a bhfuil sé i gceist aige, seirbhís lóistín ar cíos gearrthéarmach a chur ar fáil le haghaidh íocaíochta trí ardán do lóistín ar cíos gearrthéarmach ar line.
- Cad is réadmhaoin ann?Is lóistín ina bhfuil troscán é, lena n-áirítear teach nó árasán iomlán, nó seomra nó seomraí i do theach, a fhógraítear le haghaidh ligean gearrthéarmach.
- Cad nach meastar a bheith ina réadmhaoin?Óstáin agus lóistín comhchosúil, lena n-áirítear óstáin saoire, óstáin suíte nó árasán, brú-óstáin, lóistín ar láithreáin champála, páirceanna d’fheithiclí champála agus páirceanna carbhán.
Cén fhaisnéis atá ag teastáil?
Ní mór do dhuine ar bith a chuireann lóistín ar fáil ar feadh suas le 21 oíche gach réadmhaoin a chlárú le Fáilte Ireland trí thairseach ar líne. Gheobhaidh gach réadmhaoin chláraithe uimhir chlárúcháin uathúil don Chlár um Ligean Gearrthéarmach, agus ní mór an uimhir sin a thaispeáint ar gach liostú agus fógra. Chun clárú, beidh ar óstaigh an méid seo a leanas a chur ar fáil:
- Sonraí an óstaigh (duine aonair nó cuideachta) agus sonraí na réadmhaoine (cineál agus úsáid)
- Faisnéis faoin toilleadh (uaslíon aíonna/áiteanna codlata)
- Dearbhú dlíthiúil lena ndeimhnítear go gcomhlíontar na ceanglais reachtúla
- Íocaíocht chun do chlárúchán a chur i gcrích (fógrófar na táillí go luath)
Faisnéis bhreise: dualgais reachtúla
Dearbhú dlíthiúil a dhéanamh: Ní mór d’óstaigh a dheimhniú, trí dhearbhú dlíthiúil, go gcomhlíonann siad na hoibleagáidí reachtúla ábhartha a bhaineann leis an réadmhaoin. Ba cheart do gach óstaigh a d’fhéadfadh a bheith neamhchinnte faoina n-oibleagáidí reachtúla aon soiléiriú is gá a fháil le cinntiú go bhfuil a gceanglais reachtúla á gcomhlíonadh acu.
Faisnéis phleanála: Is é an tAire Tithíochta, Rialtais Áitiúil agus Oidhreachta a leagann amach an beartas pleanála maidir le gníomhaíocht ligean gearrthéarmach. Is iad na húdaráis áitiúla atá freagrach as feidhmeanna pleanála, lena n-áirítear faireachán agus forfheidhmiú. Níl aon ról ag Fáilte Ireland i gcúrsaí pleanála agus ní féidir leis comhairle a thabhairt maidir leis na rialacháin phleanála. Ba cheart aon cheisteanna ar leith/a bhaineann leis an gcás a chur chuig an údarás áitiúil ábhartha.
Maidir leis an reachtaíocht
Rialachán an Aontais Eorpaigh maidir le Léasaithe Gearrthéarmacha (STR)
Beidh an Bille i gcomhréir le Rialachán (AE) 2024/1028 maidir le Léasaithe Gearrthéarmacha.
Ceisteanna coitianta
Faigh freagraí ar na ceisteanna is coitianta faoin gclár um ligean gearrthéarmach agus faoin méid a chiallaíonn sé d’óstaigh.